హైదరాబాద్, నవంబర్ 3 (విజయక్రాంతి): ఈనెల 4న (నేడు) గ్రూప్-4 స్పోర్ట్స్ అభ్యర్థులకు సర్టిఫికెట్ వెరిఫికేషన్ చేపట్టనున్నట్లు టీజీపీఎస్సీ తెలిపింది. ఉదయం 10.30 గంటలకు హైదరాబాద్ నాంపల్లిలోని పొట్టి శ్రీరాములు యూనివర్సిటీలో హాజరుకావాలని అధికారులు తెలిపారు. అభ్యర్థులు సంబంధిత ధ్రువపత్రాలను వెంట తెచ్చుకోవాలని, ఇతరత్రా వివరాలకు టీజీపీఎస్సీ అధికారిక వెబ్‌సైట్‌ను సందర్శించాలని సూచించారు. గ్రూప్-4 తుది ఫలితాలు వెలువరించేందుకు టీజీపీఎస్సీ వేగంగా కసరత్తు చేపడుతోంది. త్వరలోనే 1:1 జాబితాను విడుదల చేయనున్నారు.