న్యూఢిల్లీ: 2024లో వరదలు, ఆకస్మిక వరదలు, కొండచరియలు విరిగిపడటం, తుఫాను కారణంగా ప్రభావితమైన ఐదు రాష్ట్రాలకు జాతీయ విపత్తు ప్రతిస్పందన నిధి (National Disaster Response Force) కింద రూ.1,554.99 కోట్ల అదనపు కేంద్ర సహాయాన్ని కేంద్ర హోంమంత్రి అమిత్ షా(Union Home Minister Amit Shah) నేతృత్వంలోని ఉన్నత స్థాయి కమిటీ బుధవారం ఆమోదించింది. మొత్తం రూ.1,554.99 కోట్లలో ఆంధ్రప్రదేశ్‌కు రూ.608.08 కోట్లు, నాగాలాండ్‌కు రూ.170.99 కోట్లు, ఒడిశాకు రూ.255.24 కోట్లు, తెలంగాణకు రూ.231.75 కోట్లు, త్రిపురకు రూ.288.93 కోట్లు మంజూరు చేయబడ్డాయి. 

ఈ అదనపు సహాయం కేంద్రం రాష్ట్ర విపత్తు ప్రతిస్పందన నిధి (SDRF) నుండి రాష్ట్రాలకు విడుదల చేసిన నిధుల కంటే ఎక్కువగా ఉంది. 2024-25లో, కేంద్రం 27 రాష్ట్రాలకు రాష్ట్ర విపత్తు ప్రతిస్పందన నిధి (State Disaster Response Force)లో రూ.18,322.80 కోట్లు, 18 రాష్ట్రాలకు NDRF నుండి రూ.4,808.30 కోట్లు, రాష్ట్ర విపత్తు ఉపశమన నిధి (SDMF) నుండి 14 రాష్ట్రాలకు రూ.2208.55 కోట్లు, జాతీయ విపత్తు ఉపశమన నిధి (NDMF) నుండి ఎనిమిది రాష్ట్రాలకు రూ.719.72 కోట్లు విడుదల చేసింది.