న్యూఢిల్లీ: జనాదరణ పొందిన వికీపీడియాకు కేంద్ర ప్రభుత్వం నోటీసులు జారీ చేసింది. కచ్చితత్వం లేని సమాచారం ఉందన్న ఫిర్యాదుల మేరకు నోటీసులు పంపింది. వికీపీడియాలో పక్షపాతంగా సమాచారం ఉంటుందన్న ఫిర్యాదు మేరకు నోటీసులు ఇచ్చినట్లు పేర్కొంది. చిన్న సమూహానికి సంపాదకీయ నియంత్రణ ఉన్నందున వికీపీడియాను మధ్యవర్తిగా కాకుండా ప్రచురణకర్తగా ఎందుకు పరిగణించకూడదని కూడా కేంద్రం కోరింది. ప్లాట్‌ఫారమ్‌లోని వార్తా సంస్థ పేజీలో పరువు నష్టం కలిగించే కంటెంట్‌ను ప్రచురించకుండా వికీపీడియాను నిరోధించాలని కోరుతూ ఎఎన్ఐ వెబ్‌సైట్‌పై దావా వేసిన నేపథ్యంలో ఇది జరిగింది. కంటెంట్‌ను తీసివేయాలని కూడా ఏజెన్సీ కోరింది. అంతేకాకుండా, ఎఎన్ఐ వికీపీడియా నుండి 2 కోట్ల రూపాయల నష్టపరిహారాన్ని కోరింది.