బెల్లంపల్లి (విజయక్రాంతి): బెల్లంపల్లి పట్టణంలోని కాంగ్రెస్ పార్టీ కార్యాలయంలో మంగళవారం మాజీ ప్రధాని స్వర్గీయ ఇందిరాగాంధీ జయంతి వేడుకలను కాంగ్రెస్ నాయకులు ఘనంగా జరుపుకున్నారు. ఎమ్మెల్యే గడ్డం వినోద్ ఆధ్వర్యంలో ఇందిరా గాంధీ చిత్రపటానికి పూలమాలలు వేసి నివాళులర్పించారు. అనంతరం కార్యాలయం లో కేక్ కట్ చేసి వేడుకలు జరుపుకున్నారు. ఈ కార్యక్రమంలో పట్టణ కాంగ్రెస్ అధ్యక్షులు ముచ్చర్ల మల్లయ్య, మున్సిపల్ అధ్యక్షురాలు జక్కుల శ్వేత, మాజీ మున్సిపల్ చైర్మన్ ఎం.సూరిబాబు, కౌన్సిలర్ బండి ప్రభాకర్, కాంగ్రెస్ పార్టీ ప్రచార కమిటీ కన్వీనర్ నాతరి స్వామి, మాజీ ఎంపీపీ తొంగల మల్లేష్, సీనియర్ కాంగ్రెస్ నాయకులు శిలుముల శంకర్, మునిమంద రమేష్, రొడ్డ శారద, ముస్లిం మైనార్టీ నాయకులు మహమ్మద్ గౌస్ తో పాటు పలువురు నాయకులు, కార్యకర్తలు పాల్గొన్నారు.