జగిత్యాల అర్బన్, ఏప్రిల్ 20 (విజయక్రాంతి): జిల్లాలోని వివిధ ప్రాంతాలలో పేకాట స్థావరాలపై జగిత్యాల సిసిఎస్ పోలీసులు దాడులు చేసి పేకాటరాయుల్లను అరెస్టు చేశారు. మేడిపల్లి పోలీస్ స్టేషన్ పరిధిలోని కల్వకోట గ్రామ శివారులో  పేకాట ఆడుతున్నారన్న సమాచారంతో సిసిఎస్ పోలీసులు దాడి చేశారు. పేకాట ఆడుతున్న 7గురుని అదుపులోకి  తీసుకొని వారి వద్ద నుంచి  రూ.11,100 నగదు, 7మొబైల్ ఫోన్స్ ను సీజ్ చేసారు.

అలాగే కోరుట్ల పోలీస్ స్టేషన్ పరిధిలోని వెంకటాపూర్ గ్రామ శివారులో పేకాట ఆడుతున్న ఐదుగురిని అరెస్టు చేసి రు.17,060, ఐదు సెల్ ఫోన్లు స్వాధీనం చేసుకుని కేసు నమోదు చేశారు.జిల్లా ఎస్పీ ఆదేశాలతో అక్రమ,అసాంఘిక కార్యక్రమాలపై నిఘా పటిష్టం చేసి,పక్క సమాచారంతో దాడులు నిర్వహిస్తున్నట్లు సిసిఎస్ ఇన్స్పెక్టర్ శ్రీనివాస్  తెలిపారు. ఎవరైనా పేకాట స్థావరాలను ఏర్పాటు చేసుకొని పేకాట నిర్వహిస్తున్నా, ఆడుతున్నా తమకు సమాచారం ఇవ్వాలని కోరారు. ఈ దాడుల్లో కానిస్టేబుల్స్ రమేష్, ఆఫ్రొజ్, కమలాకర్, పాల్గొన్నారు.