హైదరాబాద్ సిటీబ్యూరో, మే 17 (విజయక్రాంతి): కారు బీభత్సం సృష్టించిన ఘట న మాదాపూర్‌లో జరిగింది. పోలీసులు తెలిపిన వివరాల ప్రకారం.. పంజా గుట్ట నుంచి హైటెక్‌సిటీకి వెళ్తున్న కారు మాదాపూర్ స్టేజీ వద్దకు రాగానే అదుపు తప్పి, రోడ్డు పక్కన పాలు అమ్ముతున్న వారిపైకి దూసుకెళ్లింది. ఈ ప్రమాదంలో పాల వ్యాపారి శ్రీనివాస్ చనిపోగా వీరరాఘవకు తీవ్ర గాయాలయ్యాయి. మృతుడు పదేళ్లుగా మాదాపూర్ లో పాల వ్యాపారం చేస్తున్నట్లు స్థానికులు తెలిపారు. స్థానికుల సమాచారం మేరకు ఘటన స్థలానికి చేరుకున్న పోలీసు లు మద్యం మత్తులో డ్రైవర్ కారు నడిపిట్లుగా గుర్తించారు. కారు నడిపిన సాఫ్ట్‌వేర్ ఉద్యోగి రాజేశ్‌ను పోలీసులు అదుపులోకి తీసుకుని విచారిస్తున్నారు. 

లంగర్‌హౌజ్‌లో కారు బీభత్సం

లంగర్‌హౌజ్ బాపుఘాట్ వద్ద శుక్రవారం సాయంత్రం ఓ కారు బీభత్సం సృష్టించింది. అతి వేగంతో దూసుకువచ్చిన కారు అదుపు తప్పి రోడ్ పక్కన పండ్ల దుకాణంలోకి చొచ్చుకుపోయింది. దీంతో దుకాణం లో ఉన్న తండ్రి, కొడుకుకి తీవ్రగాయాలయ్యాయి. స్థానికులు క్షతగాత్రులను వెంటనే ఆసుపత్రికి తరలించారు. కారు డ్రైవర్‌ను పట్టుకుని పోలీసులకు అప్పగించారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు.