బెల్లంపల్లి (విజయక్రాంతి): మంచిర్యాల జిల్లాలోని రాఘవపూర్ సమీపంలో మంగళవారం రాత్రి గూడ్స్ రైలు పట్టాలు తప్పడంతో రైల్వే అధికారులు పలు రైలు రద్దు చేశారు. బెల్లంపల్లి మీదుగా కాగజ్నగర్ వైపుకు వెళ్లే భాగ్యనగర్, సింగరేణి, రామగిరి ఫాస్ట్ ప్యాసింజర్, కాగజ్ నగర్ ఎక్స్ ప్రెస్, ఇంటర్ సిటీ రైళ్ళను రద్దు చేశారు. తెలంగాణ, గోరఖ్ పూర్ రైళ్లను దారి మళ్లించినట్లు రైల్వే అధికారులు తెలిపారు. రైళ్ల రద్దు తో ప్రజలు ఇబ్బందులు ఎదుర్కొన్నారు. గురువారం వరకు రైళ్ల రాకపోకల్లో అంతరాయం తప్పని పరిస్థితి కనిపిస్తుంది.