ఇంట్లో నిత్యం మన కళ్ల ముందు కనిపించే వస్తువులను పెయింటింగ్ రూపంలో చూసే ఉంటారు. అదే ఎంబ్రాయిడరీ వర్క్‌తో ఎలా ఉంటాయో ఈ రవికల డిజైన్స్ చూస్తే తెలిసిపోతుంది. పూలూ, గాలిలో ఎగిరే పక్షులు.. ఇలా మన కళ్ల ముందు కనిపించే దృశ్యాలను కుట్టుపనితో అందమైన డిజైన్లుగా మార్చుకోవచ్చు. 

చీరకట్టుకు ప్రత్యేక కళ తీసుకురావచ్చు. చీరకట్టు పాతదే. కాని, అన్ని డ్రెస్సుల్లోనూ ఎవర్‌గ్రీన్ మార్కులు కొట్టేస్తూ ఎప్పుడూ ఓ ప్రత్యేకమైన కళను సొంతం చేసుకుంటూనే ఉంటుంది. అపురూపమైన జ్ఞాపకాలను రూపుకట్టేలా డిజైన్ చేస్తే ఎక్కడైనా ప్రత్యేకంగా వెలిగిపోతారు.

ఇక దానికి సరికొత్త ఎంబ్రాయిడరీ జత చేరితే అందం, ఆకర్షణ కలబోసుకున్నట్టే. బ్లౌజ్ డిజైన్లలో బ్యాక్ స్పేస్ పెయింటింగ్ బాగా ఆట్టుకుంటోంది. రవికలో నచ్చిన డిజైన్స్‌ని ఇష్టపడేవాళ్లు ఇలా ప్రత్యేకమైన ఎంబ్రాయిడరీ లేదా పెయింటింగ్ లుక్‌తో అదనపు హంగులను చేర్చవచ్చని నిరూపిస్తున్నారు డిజైనర్లు.