మందమర్రి,(విజయక్రాంతి): నవంబర్ 17,18 తేదీలలో నిర్వహించనున్న గ్రూప్-3 పరీక్షల నేపథ్యంలో పట్టణంలో ఏర్పాటు చేసిన పరీక్ష కేంద్రాలను సీఐ శశిధర్ రెడ్డి సందర్శించారు. సోమవారం పట్టణంలో పరీక్షల నిర్వహణకు ఏర్పాటు చేసిన ఏడు పరీక్ష కేంద్రాలను ఆయన సందర్శించి సౌకర్యాల కల్పనపై సంబంధిత అధికారులతో చర్చించారు. పట్టణంలో ఏర్పాటు చేసిన ఏడు పరీక్ష కేంద్రాల్లో 2064 మంది అభ్యర్థులు పరీక్షలకు హాజరు కానున్నారని వారికి ఎలాంటి ఇబ్బందులు తలెత్తకుండా అన్ని సౌకర్యాలు ఏర్పాటు చేయాలని సూచించారు. ఆయన వెంట పట్టణ ఎస్సై రాజశేఖర్ ఉన్నారు.