బీఆర్‌ఎస్ ఎంపీ వద్దిరాజు రవిచంద్ర పిలుపు

భద్రాద్రి కొత్తగూడెం, మే 17 (విజయక్రాంతి): నల్లగొండ పట్టభద్రుల నియోజకవర్గం ఉప ఎన్నికలో బీఆర్‌ఎస్ సత్తా చాటాలని రాజ్య సభ సభ్యుడు వద్దిరాజు రవిచంద్ర బీఆర్‌ఎస నాయకులు, కార్యకర్తలకు పిలుపునిచ్చారు. శుక్రవారం పాత పాల్వంచలోని మాజీ ఎమ్మెల్యే వనమా వెంకటేశ్వరరావు నివాసంలో బీఆర్‌ఎస్ నాయకులు, కార్యకర్తలతో సమావేశం నిర్వహించారు. ఈ సందర్బంగా వద్దిరాజు మాట్లాడుతూ.. బీఆర్‌ఎస్ తరఫున పోటీ చేస్తున్న ఏనుగుల రాకేశ్‌రెడ్డి విజయానికి ప్రతి ఒక్కరు కృషి చేయాలని కోరారు.  సమావేశంలో మాజీ ఎమ్మెల్యేలు రేగా కాంతారావు, తాటి వెంకటేశ్వర్లు, మెచ్చా నాగేశ్వరరావు, కొత్తగూడెం మున్సిపల్ చైర్‌పర్సన్ సీతామహాలక్ష్మి తదితరులు పాల్గొన్నారు. 

ఖమ్మంలో ఎమ్మెల్సీ ఎన్నికల ప్రచారం

ఖమ్మంలోని వల్లభాయ్‌పటేల్ స్టేడియంలో మార్నింగ్ వాక్‌లో భాగంగా బీఆర్‌ఎస్ ఎమ్మెల్సీ అభ్యర్థి రాకేశ్‌రెడ్డి ప్రచారం నిర్వహించారు.  ఈ నెల 27న జరగనున్న ఎన్నికల్లో బ్యాలెట్‌లోని 3వ నంబర్‌పై మెదటిప్రాధాన్యత ఓటువేసి గెలిపించాలని అభ్యర్థించారు. ఆయనతోపాటు బీఆరెస్ జిల్లా అధ్యక్షుడు తాతామధు, ఎన్నికల ఇన్‌చార్జి ఆర్‌జేసీ కృష్ణ, టౌన్ అధ్యక్షుడు నాగరాజు తదితరులు పాల్గొన్నారు.