డ్రైవర్, ముగ్గురు ప్రయాణికులకు గాయాలు

అలంపూర్, నవంబర్ 21: ముందు వెళుతున్న కంటైనర్‌ను వెనక నుంచి వేగంగా ప్రైవేట్ ట్రావెల్స్ బస్సు ఢీకొట్టింది. ఈ ఘటన  గురువారం తెల్లవారుజామున మానవపాడులో చోటుచేసుకుంది.  స్థానికులు తెలిపిన వివరాల ప్రకారం.. బుధవారం రాత్రి బస్సు సుమారు 30 మంది ప్రయాణికులతో బస్సు హైదరాబాద్ నుంచి బెంగళూరు బయల్దేరింది. 44వ జాతీయ రహదారి మీదుగా మానవసాడు చేరుకోగానే కంటైనర్‌ను ఢీకొట్టింది.

ఘటనలో బస్సు డ్రైవర్‌తో పాటు మరో ఇద్దరు ప్రయాణికులకు స్వల్ప గాయాలయ్యాయి. పోలీసులు సంఘటనా స్థలానికి చేరుకుని దర్యాప్తు చేపట్టారు. అనంతరం ప్రయాణికులను మరో బస్సులో వారి గమ్యస్థానానికి పంపించారు.