మందమర్రి,(విజయక్రాంతి): మంచిర్యాల జిల్లా కేంద్రంలోని తెలంగాణభవన్ లో నిర్వహించనున్న దీక్ష దివస్ కు పట్టణంలోని బీఆర్ఎస్ శ్రేణులు బీఆర్ఎస్ చెన్నూర్ నియోజకవర్గం ఇన్చార్జి డా.రాజా రమేష్ ఆధ్వర్యంలో శుక్రవారం తరలివచ్చారు. ముందుగా అంబేద్కర్ విగ్రహానికి పూలమాల వేసి నివాళులర్పించారు. అనంతరం మోటార్ సైకిల్ ర్యాలీ ద్వారా మంచిర్యాలకు తరలివెళ్లారు. ఈ సందర్భంగా డా.రాజా రమేష్ మాట్లాడుతూ... తెలంగాణ సాధన కోసం కేసీఆర్ నిరాహార దీక్ష చేపట్టి రాష్ట్ర సాధనలో కీలక పాత్ర  పోషించారన్నారు. రానున్న  రోజుల్లో కాంగ్రెస్ ప్రభుత్వం అనుసరిస్తున్న ప్రజా వ్యతిరేక విధానాలను నిరసిస్తూ ఉద్యమాలు ఉధృతం చేస్తామని స్పష్టం చేశారు. ఈ కార్యక్రమంలో బీఆర్ఎస్ పట్టణ అధ్యక్షులు జె.రవీందర్, టీబీజీకేఎస్ ఏరియా ఉపాధ్యక్షులు మేడిపల్లి సంపత్, నాయకులు కొంగల తిరుపతి రెడ్డి, బట్టు రాజ్ కుమార్, తోట సురేందర్, బొరిగం వెంకటేష్, వేణుగోపాల్, పాణి ప్రతాప్, తోగరి వెంకటస్వామి, ఎండీ ముస్తఫా పాల్గొన్నారు.