జాక్‌పాట్ కొట్టిన బ్రిటన్ వ్యక్తి

లాటరీలో ఏకంగా రూ.1800కోట్లు గెలుపు

న్యూఢిల్లీ, నవంబర్ 28: అదృష్టం ఎప్పుడు.. ఎవరిని.. ఎలా వరిస్తుందో చెప్పలేం. దీనికి యూకేకి చెందిన ఓ వ్యక్తే చక్కటి ఉదాహరణ. నేషనల్ లాటరీ టికెట్‌ను కొనుగోలు చేసినబ్రిటన్ వ్యక్తికి లక్కీ డ్రాలో బంపర్ ఆఫర్ తగిలిగింది. ఏకంగా  రూ.1800 కోట్లను గెలుచుకున్నాడు. లాటరీ నిర్వాహకులు మంగళవారం డ్రా తీసి 07,11,25,31,40 నంబరు టికెట్‌కు జాక్‌పాట్ తగిలినట్టు ప్రకటించారు. ఈ నెంబర్ల కలిగిన టికెన్‌ను ఒక వ్యక్తి మాత్రమే తీసుకుని ఉన్నట్లయితే ఈ ఏడాది సండే టైమ్స్ సంపన్నుల జాబితాలో తొలిస్థానం అతడికే దక్కుతుందని ఓ సీనియర్ అధికారి పేర్కొన్నారు. ఈ జాబితాలో సంగీత కళాకారులు హ్యారీ స్టుల్స్ (175 మిలియన్ పౌండ్లు), అడెలె (170 మిలియన్ పౌండ్ల) వరుసగా తొలి రెండు స్థానాల్లో ఉన్నారు. అయితే, విజేతకు సంబంధించిన వివరాలను మాత్రం లాటరీ నిర్వాహకులు వెల్లడించలేదు. యూకేలోనే మూడో అతిపెద్ద లాటరీ ప్రైజ్‌మనీ ఇదే.