7 నుంచి టెట్ 

అప్లికేషన్ల స్వీకరణ

హైదరాబాద్, నవంబర్ 5 (విజయక్రాంతి): ఉపాధ్యాయ అర్హత పరీక్ష (టెట్) దరఖాస్తుల స్వీకరణకు స్వల్ప బ్రేక్ పడింది. ఈనెల 4వ తేదీన విడుదల చేసిన షెడ్యూల్‌లో మంగళవారం నుంచి ఈనెల 20 వరకు దరఖాస్తు చేసుకోవచ్చని అధికారులు తెలిపారు. దీంతో బీఎడ్, డీఎడ్ అభ్యర్థులంతా దరఖాస్తు చేసుకునేందుకు ప్రయత్నించగా వెబ్‌సైట్‌లో సాయంత్రం వరకు అప్‌లోడ్ కాలేదు.

ఆ తర్వాత పాఠశా ల విద్యాశాఖ అధికారులు అధికార ప్రకటనను విడుదల చేస్తూ సాంకేతిక కారణాలతో టెట్ దరఖాస్తుల స్వీకర ణ ప్రక్రియ ఆలస్యమవుతున్నట్లు ప్రకటించారు. అభ్యర్థులు దరఖాస్తులను ఈనెల 7వ తేదీ నుంచి దరఖాస్తు చేసుకోవాలని పేర్కొంది. ఇదిలా ఉంటే టెట్ ఫీజు ఎంత ఉండాలనేది ఇంకా ఫైనల్ కాకపోవడంతోనే ఈ ప్రక్రియ ఆలస్యమైనట్లు సమాచారం.