1. డిసెంబర్ 25న మాదాపూర్‌లో నిర్వహణ
2. హైర్ ది బెస్ట్ బ్రెయిన్స్ వ్యవస్థాపకుడు ఆలూరి

హైదరాబాద్, నవంబర్ 17: బ్రాహ్మణ యువత కోసం ప్రత్యేకంగా హైదరాబాద్‌లో జాబ్ మేళా నిర్వహించనున్నారు. మాదాపూర్‌లోని శ్రీవెంకటేశ్వర గ్రూప్ ఆఫ్ కాలేజీలలో ఈ మేళాను డిసెంబర్ 25న నిర్వహించనున్నారు.

దేశంలో ఉపాధి అవకాశాలను పెంపొందించడానికి అంకితమైన హైర్ ది బెస్ట్ బ్రెయిన్స్ సంస్థ వ్యవస్థాపకుడు ఆలూరి ఈ మేళాను నిర్వహిస్తున్నారు. ఈ సంస్థ కు మానవ వనరుల రంగంతో పాటు ఎక్స్‌ఎల్‌ఆర్‌ఐ  అల్యూమిలో 27 ఏళ్ల అనుభవం ఉంది. ఇప్పటివరకు ఎన్నో ఉద్యోగ మేళాలు నిర్వహించి బ్రాహ్మణ సమాజానికి చెందిన ఉద్యోగార్థులకు ఆలూరి సాయమందిస్తూ వస్తున్నారు.

వచ్చే నెలలో నిర్వహించే ఈ మెగా జాబ్ మేళా బ్రాహ్మణ ఉద్యోగార్థులకు ప్రముఖ కంపెనీలతో అనుసంధానం కావడానికి, మంచి ఉపాధి సాధించేందుకు ప్రత్యేక అవకాశాన్ని అందిస్తుందని ఆలూరి ఓ ప్రకటనలో వెల్లడించారు. అర్హత,  నైపుణ్యం ఉన్న అభ్యర్థులు ఈ అవకాశాన్ని వినియోగించుకోవాలని సూచి ంచారు. రిజిస్ట్రేషన్‌తో పాటు మరిన్ని వివరాలకు 1800-571-2511 నంబర్‌ను సంప్రదించాలని కోరారు.