హైర్ ది బెస్ట్ బ్రెయిన్  వ్యవస్థాపకులు ఆలూరి

హైదరాబాద్ సిటీబ్యూరో, నవంబర్ 18 (విజయక్రాంతి): బ్రాహ్మణ సామాజికవర్గానికి చెందిన నిరుద్యోగ అభ్యర్థులకు డిసెంబ రు 25న మెగా జాబ్‌మేళా నిర్వహిస్తున్నట్టు హైర్ ది బెస్ట్ బ్రెయిన్స్ వ్యవస్థాపకులు ఆలూరి తెలిపారు. మాదాపూర్‌లో నిర్వహిం చే ఈ మేళాకు బ్రాహ్మణ సామాజికవర్గానికి చెందిన నిరుద్యోగ యువత హాజరుకావాలన్నారు. బ్రాహ్మణ సామాజికవర్గానికి చెందిన నిరుద్యోగ యువతకు ఉద్యోగ, ఉపాధి రంగాల్లో మద్దతుగా నిలిచేందుకు 27 సంవత్సరాలుగా అనేక జాబ్‌మేళాలు నిర్వహించినట్లు తెలిపారు.

ఉత్తమ ప్రతిభ, నైపుణ్యాలు కలిగిన బ్రాహ్మణ ఉద్యోగార్థులు ఉద్యోగ, ఉపాధి అవకాశాలు కోసం అన్వేషిస్తున్న నేపథ్యంలో బ్రాహ్మణ నిరుద్యోగ యువతకు ప్రముఖ కంపెనీలను పరిచయం చేయడమే సంస్థ ఉద్ధేశమన్నారు. అభ్యర్థుల ఉత్తమ ప్రతిభ, నైపుణ్యం ఆధారంగా ఆయా కంపెనీల్లో నియామకాలు ఉంటాయన్నారు. బ్రాహ్మణ కమ్యూనిటీలో అర్హత కలిగిన ఉద్యోగార్థులు ఈ వేదికను సద్వినియోగం చేసుకోవాలన్నారు.

జాబ్‌మేళాకు హజరయ్యే వారు ఉదయం 8 గంటలకు రిపోర్ట్ చేయాలని తెలిపారు. ద బెస్ట్ బ్రయిన్స్ సంస్థకు 1800 571 2511 కాల్ చేసి గాని, క్యూఆర్ కోడ్ లింక్ ద్వారా తమ పేర్లను రిజిస్ట్రేషన్ చేసుకోవాలన్నారు. మరిన్ని వివరాలకు info@htbb.in మెయిల్ ద్వారా, 98589 45678, 86393 11458 నెంబర్లలో సంప్రదించాలన్నారు.