భోపాల్: మధ్యప్రదేశ్‌లోని గుణాలో 140 అడుగుల బోర్‌వెల్‌(Borewell)లో చిక్కుకున్న 10 ఏళ్ల బాలుడిని రక్షించే ప్రయత్నాలు ఆదివారం 16 గంటల తర్వాత ముగిశాయి. బోరుబావిలో పడిపోయిన సుమిత్‌గా గుర్తించబడిన 10 ఏళ్ల బాలుడిని రక్షించినట్లు గుణ అసిస్టెంట్ సూపరింటెండెంట్ ఆఫ్ పోలీస్ (Assistant Superintendent of Police) మాన్ సింగ్ ఠాకూర్ తెలిపారు. శనివారం సాయంత్రం 6:00 గంటలకు రెస్క్యూ ఆపరేషన్‌(Rescue operation)లు ప్రారంభమై, ఆదివారం ఉదయం 9:30 గంటలకు బాలుడిని రక్షించే వరకు కొనసాగాయని ఆయన వెల్లడించారు. బాలుడు అపస్మారక స్థితిలో ఉన్నాడని, అతని శ్వాస నెమ్మదిగా ఉందని అతను చెప్పాడు. బాలుడిని రక్షించేందుకు రెండు రెస్క్యూ బృందాలను రంగంలోకి దింపినట్లు అధికారులు తెలిపారు. ఈ ఘటన శనివారం సాయంత్రం రఘోఘర్‌లోని జాంజలి ప్రాంతంలో చోటుచేసుకుంది.