మొగిలిగిద్దలో ఘటన

సంఘటనా స్థలానికి చేరుకొని దర్యాప్తు జరుపుతున్న సిఐ విజయ్ కుమార్

రంగారెడ్డి (విజయక్రాంతి): షాద్ నగర్ పోలీస్ స్టేషన్ పరిధిలోని ఫరూక్ నగర్ మండలం మొగిలిగిద్ద గ్రామ చౌరస్తాలోని ఓ టిప్పర్ ఢీకొని ఓ బాలుడు మృతి చెందిన విషాద ఘటన చోటచేసుకుంది. లారీ డ్రైవర్ అజాగ్రత్తగా వాహనాన్ని నడుపుతూ మొగిలిగిద్ద గ్రామానికి చెందిన మహమ్మద్ జమాల్ (14) ను ఢీ కొట్టాడు. దీంతో తీవ్ర గాయాలపాలి రోడ్డుపై విగత జీవిగా పడిపోయాడు. ఈ సంఘటనతో లారీ డ్రైవర్ పరారయ్యాడని పేర్కొన్నారు. మరింత పూర్తి సమాచారం తెలియాల్సి ఉంది. సంఘటన స్థలాన్ని పట్టణ సీఐ విజయ్ కుమార్ బృందం పరిశీలించారు. కేసు నమోదు చేసుకుని దర్యాప్తు చేపట్టారు.