వారణాసి: బెంగళూరు వెళ్తున్న ఇండిగో విమానం (IndiGo Flight)లో ప్రయాణిస్తున్న ఒక విదేశీయుడు తన వద్ద బాంబు ఉందని చెప్పడంతో వారణాసి విమానాశ్రయం(Varanasi Airport)లో భయాందోళనలు చెలరేగాయని పోలీసులు ఆదివారం తెలిపారు. శనివారం రాత్రి ఈ సంఘటన జరిగిందని, కెనడియన్ ప్రయాణీకుడిని అదుపులోకి తీసుకున్నామని పోలీసులు తెలిపారు. భద్రతా అధికారులు ఆ వ్యక్తిని ప్రశ్నిస్తున్నారని అధికారులు తెలిపారు. బాంబు బెదిరింపుల నేపథ్యంలో, విమానాన్ని క్షుణ్ణంగా తనిఖీ చేయడానికి ఐసోలేషన్ బేకు తరలించారు.

అయితే ఎటువంటి పేలుడు పదార్థాలు కనుగొనబడలేదని విమానాశ్రయ డైరెక్టర్ పునీత్ గుప్తా(Airport Director Puneet Gupta) తెలిపారు. ప్రయాణీకుడి వాదన తర్వాత ఇండిగో సిబ్బంది వెంటనే ఎయిర్ ట్రాఫిక్ కంట్రోల్ (Air Traffic control)కి బెదిరింపు గురించి తెలియజేశారని గుప్తా చెప్పారు. విమానాన్ని ల్యాండ్ చేసి ప్రామాణిక భద్రతా ప్రోటోకాల్‌ల ప్రకారం తనిఖీ చేశారు. భద్రతా సంస్థల నుండి అనుమతి పొందిన తర్వాత, విమానం ఆదివారం ఉదయం బెంగళూరుకు బయలుదేరిందని అధికారులు తెలిపారు.