కాంగ్రెస్‌కు మద్దతుగా బీసీ కుల సంఘాల తీర్మానం

 బీసీ సంక్షేమ సంఘం అధ్యక్షుడు శ్రీనివాస్ గౌడ్

హైదరాబాద్, మే 11 (విజయక్రాంతి): బీసీ వ్యతిరేక పార్టీ బీజేపీ అని, బీసీ కులగణన చేయని బీజేపీకి బీసీల ఓట్లు అడిగే హక్కులేదని బీసీ సంక్షేమ సంఘం జాతీయ అధ్యక్షులు జాజుల శ్రీనివాస్ గౌడ్ పేర్కొన్నారు. శనివారం బషీర్‌బాగ్‌లోని ఫతే మైదాన్ క్లబ్‌లో బీసీ కుల సంఘాల జేఏసీ చైర్మన్ చిన్న శ్రీశైలం యాదవ్ అధ్యక్షతన  “సమగ్ర కులగణన రిజర్వేషన్ల పెంపు” అనే అంశంపై నిర్వహించిన సమావేశంలో ఆయన పాల్గొని మాట్లాడారు.  ఈ ఎన్నికలు మండల్, కమండల్ వారసుల మధ్య జరుగుతున్నవిగా  అభివర్ణించారు. ఇండియా కూటమిని బీసీలు గెలిపించాలని పిలుపునిచ్చారు. కాంగ్రెస్‌కు మద్దతుగా 130 బీసీ కుల సంఘాలు తీర్మానం చేసినట్లు ఆయన ఒక ప్రకటనలో తెలిపారు.