67 మంది అభ్యర్థులతో లిస్టు విడుదల

చంఢీగఢ్, సెప్టెంబర్ 4: మరికొద్ది రోజుల్లో హర్యానా అసెంబ్లీ ఎన్నికలు జరగనున్న నేపథ్యంలో బీజేపీ తన అభ్యర్థుల తొలి జాబితాను విడుదల చేసింది. 67 మంది అభ్యర్థులతో తొలి లిస్టును బుధవారం విడుదల చేసింది. లాడ్వా నియోజకవర్గం నుంచి సీఎం నాయబ్‌సింగ్ సైనీ పోటీ చేయనున్నట్లు బీజేపీ స్పష్టం చేసింది.

అంబాలా కంటోన్మెంట్ నుంచి అనిల్ విజ్, పంచకుల నుంచి జ్ఞాన్‌చంద్ గుప్తా, జగద్రి నుంచి కన్వర్‌పాల్ గుర్జర్, రాఠియా నుంచి సునితా దుగ్గల్, అదంపూర్ నుంచి భవ్య బిష్ణోయ్, సోహ్నా నుంచి తేజ్‌పాల్ తన్వర్‌ను బీజేపీ బరిలో దింపనుంది. హర్యానాలోని మొత్తం 90 స్థానాలకు అక్టోబర్ 5న ఎన్నికలు జరగనున్నాయి. అక్టోబర్ 8న ఓట్ల లెక్కింపు జరగనుంది.