కుమ్రం భీం అసిఫాబాద్ (విజయక్రాంతి): మహరాష్ట్ర ఎన్నికల్లో బీజేపీ పార్టీ ఘన విజయం సాధించడంతో శనివారం జిల్లా కేంద్రంలోని అంబేద్కర్ చౌరస్తా వద్ద ప్రధాన రహదారిపై బీజేపీ శ్రేణులు బాణాసంచా పేల్చి, స్వీట్లు పంచారు. ఈ సందర్భంగా మాజీ ఎంపీపీ మల్లికార్జున్ యాదవ్ మాట్లాడుతూ.. దేశ ప్రజలు బీజేపీ పార్టీకి మద్దతుగా నిలుస్తున్నారని ఎన్నికలతో అయిందన్నారు. రాష్ట్రంలో రానున్న స్థానిక సంస్థల ఎన్నికలలో బీజేపీ అత్యధిక స్థానాలను కైవసం చేసుకుంటుందని ఆశాభావం వ్యక్తం చేశారు. ఈ కార్యక్రమంలో నాయకులు విశాల్, సత్యనారాయణ, జయరాజ్, ప్రసాద్ గౌడ్, పెంటు తదితరులు పాల్గొన్నారు.