హైదరాబాద్,(విజయక్రాంతి): 134వ అంబేద్కర్ జయంతి సందర్భంగా తెలంగాణ బీజేపీ కార్యాలయం నుండి ట్యాంక్ బండ్‌ వద్ద ఉన్న డాక్టర్ బిఆర్ అంబేద్కర్ విగ్రహం వరకు ఉత్సాహభరితమైన బైక్ ర్యాలీకి భయల్దేరారు. బీజేపీ రాష్ట్ర అధ్యాక్షులు, కేంద్రమంత్రి కిషన్ రెడ్డితోపాటు పార్టీ సీనియర్ నాయకులు బాబాసాహెబ్ జీవిత వారసత్వాన్ని గౌరవిస్తూ ఆయన విగ్రహానికి పూలమాల వేసి పుష్పాంజలి ఘటించారు. ఈ సందర్భంగా కిషన్ రెడ్డి మాట్లాడుతూ... ఎమర్జెన్సీ పేరిట రాజ్యాంగాన్ని కాంగ్రెస్ హత్య చేసిందని, రాజ్యాంగాన్ని తూట్లు పొడిచేలా రాహుల్ గాంధీ వ్యవహరించారని ఆరోపించారు. ఒడిదుడుకులు ఎదుర్కున్నా రాజ్యాంగం నిలబడిందంటే అంబేద్కర్ గొప్పతనమే అని కొనియాడారు.

అంబేద్కర్ నెట్ వర్క్ పేరుతో ఐదు ప్రాంతాలను పర్యాటక కేంద్రాలుగా తీర్చిదిద్దామని, ఎస్సీ, ఎస్టీలకు రిజర్వేషన్లు పెంచేలా చేసిన ఘనత ప్రధానమంత్రి నరేంద్రమోదీదే అని చెప్పారు. భారత రాజ్యాంగం ద్వారా రక్షించబడిన ఈ రోజును మనం అనుభవిస్తున్న హక్కులు బాబాసాహెబ్ తెలివితేటలు, త్యాగం, దూరదృష్టి ఫలితంగా వచ్చాయని కిషన్ రెడ్డి చెప్పారు. తెలంగాణలోని అన్ని జిల్లాల్లో అంబేద్కర్ విగ్రహాలను అంకితభావంతో పనిచేసే కార్యకర్తలు శుభ్రం చేసి అలంకరించారని గుర్తు చేశారు. అంబేద్కర్ జయంతిని ఘనంగా జరుపుకోవడానికి వచ్చే వారంలో అనేక కార్యక్రమాలు నిర్వహించబడ్డాయన్నారు. అంబేద్కర్ ఆదర్శాలను అట్టడుగు స్థాయికి తీసుకెళ్లడానికి తాము కట్టుబడి ఉన్నామని కిషన్ రెడ్డి పేర్కొన్నారు.