రిషభ్‌ శెట్టి ప్రధాన పాత్ర పోషిస్తున్న పాన్ ఇండియా ప్రాజెక్ట్ ‘కాంతార చాప్టర్‌ 1’. ఈ సినిమా ‘కాంతార’కు ప్రీక్వెల్‌గా రూపొందుతోంది. రిషబ్ శెట్టి స్వీయ దర్శకత్వంలో హోంబలే ఫిలిమ్స్ బ్యానర్‌పై విజయ్ కిరగందూర్ ఈ చిత్రాన్ని నిర్మిస్తున్నారు. తాజాగా మేకర్స్ రిలీజ్‌ డేట్‌ను ప్రకటించారు. 2025 అక్టోబర్‌ 2న ‘కాంతార చాప్టర్‌ 1’ ప్రపంచ వ్యాప్తంగా విడుదల కానుంది. ఇండియాలో దసరా బిగ్గెస్ట్ సీజన్ కాబట్టి ఈ సమయంలో విడుదల చేయనున్నారు.

రిలీజ్ డేట్ అనౌన్స్ మెంట్ పోస్టర్‌లో రిషబ్ శెట్టి ఫెరోషియస్ అవతార్‌లో కనిపించారు. ఒక చేతిలో త్రిశూలం మరో చేతిలో గొడ్డలి పట్టుకొని లెజెండ్ గా కనిపించిన పోస్టర్ గూస్ బంప్స్ తెప్పించేదిలా ఉంది. ‘కాంతార చాప్టర్‌ 1’ కోసం రిషబ్ శెట్టి తన పాత్ర కోసం ప్రత్యేకంగా సిద్ధమయ్యారు. కేరళ నుంచి ఉద్భవించిన పురాతన యుద్ధ కళలలో ఒకటైన కలరిపయట్టులో ఆయన కఠినమైన శిక్షణ పొందారు. కాంతార కొంకణ్ జానపద గొప్పతనాన్ని ప్రపంచానికి పరిచయం చేసింది.