హైదరాబాద్: ఫోన్ ట్యాపింగ్ కేసు(Phone Tapping Case)లో నిందితులుగా ఉన్న మాజీ అసిస్టెంట్ సూపరింటెండెంట్ ఆఫ్ పోలీస్ (ఏఎస్పీ) భుజంగరావు, మాజీ డిప్యూటీ కమిషనర్ ఆఫ్ పోలీస్ (డీసీపీ) రాధాకిషన్ రావులకు తెలంగాణ హైకోర్టు(Telangana High Court) గురువారం బెయిల్ మంజూరు చేసింది. లక్ష రూపాయల చొప్పున ఇద్దరు పూచీకత్తులు సమర్పించాలని, పాస్‌పోర్టులను సరెండర్ చేయాలని కోర్టు ఇద్దరిని ఆదేశించింది. అంతేకాకుండా ఈ కేసులో విచారణ ప్రక్రియకు సహకరించాలని కోర్టు వారికి సూచించింది.

ఫోన్ ట్యాపింగ్ కేసులో గత 10 నెలలుగా సస్పెండ్ అయి జైలులో ఉన్న అదనపు ఎస్పీ తిరుపతన్నకు సుప్రీంకోర్టు బెయిల్(Supreme Court Bail) మంజూరు చేసిన విషయం తెలిసిందే. ఛార్జిషీట్‌ను దాఖలు చేశామని, విచారణకు మరో నాలుగు నెలలు పట్టే అవకాశం ఉందని రాష్ట్ర ప్రభుత్వం అంగీకరించడంతో కోర్టు ఈ నిర్ణయం తీసుకుంది. నిందితుడు విచారణలో పూర్తి సహకారం అందించాలని, ఎలాంటి జాప్యం చేయకూడదని, అతని స్వేచ్ఛను దుర్వినియోగం చేయకూడదని లేదా సాక్షులను ప్రభావితం చేయకూడదనే షరతులతో సుప్రీం కోర్టు బెయిల్ మంజూరు చేసింది. ఏదైనా ట్రాక్షన్ బెయిల్ రద్దుకు దారి తీస్తుందని సుప్రీం కోర్టు హెచ్చరించింది.