భద్రాచలం,(విజయక్రాంతి): భద్రాద్రి కొత్తగూడెం జిల్లాలోని భద్రాచలం శ్రీ సీతా రామచంద్ర స్వామి ఆలయంలో గురువారం రాత్రి నల్లపూసల గొలుసు పోగొట్టుకున్న బాధితురాలికి ఎస్పీఎఫ్ సిబ్బంది దాన్ని శుక్రవారం అందజేశారు. రాత్రి విధులు నిర్వహిస్తున్న ఎస్పీఎఫ్ సిబ్బందికి నల్లపూసల గొలుసు లభ్యమవడంతో దేవస్థానం ఈవో ఎల్ రమాదేవి దృష్టికి తీసుకెళ్లారు. ఈ క్రమంలోనే ఆ నల్లపూసల గొలుసు పోగొట్టుకున్న మహిళను గుర్తించి అందజేయాలని ఈవో సూచించారు. ఈ నేపథ్యంలో శుక్రవారం నల్లపూసల గొలుసు పోగొట్టుకున్న మహిళ వచ్చి తగిన ఆధారాలను చూపించడంతో ఆలయ ఏఈఒ శ్రావణ్ కుమార్ సమక్షంలో ఎస్పీఎఫ్ సిబ్బంది ఆ గొలుసును బాధితురాలికి అందజేశారు. విధి నిర్వహణలో నిజాయితీగా వ్యవహరించి నల్లపూసల గొలుసు పోగొట్టుకున్న మహిళకు అందజేసిన ఎస్పీఎఫ్ సిబ్బందిని దేవస్థానం ఈవో రమాదేవి సిబ్బంది భక్తులు అభినందించారు