మణుగూరు (విజయక్రాంతి): భద్రాద్రి కొత్తగూడెం జిల్లా మణుగూరు మండల తాసిల్దార్ కార్యాలయంలో రికార్డర్ అసిస్టెంట్ గా విధులు నిర్వహిస్తున్న గంట వెంకటేశ్వర్లుకు ఉత్తమ ఉద్యోగి అవార్డు దక్కింది. అవార్డును భద్రాద్రి జిల్లా కలెక్టర్ జితేష్ వి పాటిల్ చేతుల మీదగా ప్రశంసా పత్రం అందుకున్నారు. అన్నారం గ్రామానికి చెందిన  గంటా వెంకటేశ్వర్లు తాహసిల్దార్ కార్యాలయంలో రికార్డు అసిస్టెంట్ పనిచేస్తూ విధి నిర్వహణలో ప్రజలకు, రైతులకు అందించిన సేవలకు గాను ఈ ఉత్తమ అవార్డు లభించింది. గతంలో 1986 సంవత్సరంలో నాడు వచ్చిన గోదావరి వరదల సమయంలో చేసిన సేవలకు గాను ఆయన తండ్రికి కూడా అవార్డు దక్కడం, అప్పటి కలెక్టర్ చేతుల మీదుగా అవార్డు నందుకోవడం విశేషం. ఈ సందర్భంగా పట్టణంలోని రెవెన్యూ అధికారులు, సిబ్బంది, రాజకీయ నాయకులు, ప్రజా ప్రతినిధులు గంటా వెంకటేశ్వరులును సోమవారం ప్రత్యేకంగా అభినందించారు.