పీకేఎల్ 11వ సీజన్

నోయిడా: ప్రొ కబడ్డీ లీగ్ సీజన్-11లో  జైపూర్ పింక్ పాంథర్స్ నాలుగో విజయాన్ని నమోదు చేసుకుంది. నోయిడా వేదికగా మంగళవారం జరిగిన తొలి మ్యాచ్‌లో జైపూర్ 39-32 తేడాతో బెంగళూరు బుల్స్‌ను ఓడించింది. జైపూర్ తరఫున రెయిడర్ అర్జున్ దేశ్వాల్ 19 పాయింట్లతో దుమ్మురేపగా.. లక్కీ శర్మ ఆరు పాయింట్లు సాధించాడు. బెంగళూరు తరఫున అజింక్యా పవార్ తొమ్మిది పాయింట్లు సాధించాడు.

పట్టికలో జైపూర్ ఆరో స్థానంలో కొనసాగుతుండగా.. బెంగళూరు బుల్స్ చివరి నుంచి రెండో స్థానంలో ఉంది. ఇక డిఫెండింగ్ చాంపియన్ పునేరి పల్టన్, దబంగ్ ఢిల్లీ మధ్య జరిగిన రెండో మ్యాచ్ టైగా ముగిసింది. ఉత్కంఠభరితంగా సాగిన పోరు 38-38 డ్రా అయింది. ఒక్కో పాయింట్ కోసం ఇరుజట్లు హోరాహోరీగా తలపడ్డాయి. పునేరి జట్టులో ఆకాశ్ షిండే 8 పాయింట్లు స్కోరు చేయగా..

ఢిల్లీ తరఫున ఆశు మాలిక్ 17 పాయింట్లతో చెలరేగాడు. ఐదో విజయంతో పల్టన్స్ టాప్ దూసుకొచ్చింది. ఆడిన 10 మ్యాచ్‌ల్లో ఐదు విజయాలు, ఐదు ఓటములతో ఢిల్లీ ఐదో స్థానంలో ఉంది. నేటి మ్యాచ్‌ల్లో గుజరాత్‌తో బెంగాల్ వారియర్స్, పట్నాతో హర్యానా స్టీలర్స్ తలపడనున్నాయి.