బెల్లంపల్లి, సెప్టెంబర్ 25: రాష్ట్ర వ్యాప్తంగా ప్రజలకు పోలీసుశాఖ తరఫున అందుతున్న సత్వర సేవల్లో బెల్లంపల్లి వన్‌టౌన్‌కు మూడవ స్థానం దక్కింది. పోలీస్‌స్టేషన్‌కు వచ్చే బాధితులతో మర్యాదగా మాట్లాడి చట్టపరిధిలో సమస్యను పరిష్కరించడం, పోలీసుశాఖపై ప్రజల్లో నమ్మకాన్ని ఏర్పరిచేలా ఎస్‌హెచ్‌వోలు అందిస్తున్న సేవలపై ఆన్‌లైన్ ద్వారా ప్రభుత్వం ఫీడ్‌బ్యాక్ తీసుకుని రాష్ట్ర వ్యాప్తంగా 10 పోలీస్‌స్టేషన్లను ఎంపిక చేసింది. ఇందులో బెల్లంపల్లి వన్‌టౌన్ పోలీస్‌స్టేషన్‌కు మూడవ స్థానం దక్కింది.