జనగామ, నవంబర్ 5 (విజయక్రాంతి): విద్యార్థిలా లైబ్రరీలోకి వెళ్లిన దుండగుడు లైబ్రేరియన్‌ను చితకబా ది ఆయన మెడలో ఉన్న బంగారు గొలుసును అపహరించాడు. ఈ ఘటన జనగామ జిల్లా కేంద్రంలోని ఏబీవీ ప్రభుత్వ డిగ్రీ కళాశాలలో జరిగింది. జనగామ పట్టణానికి చెందిన ఉపేందర్ అనే దివ్యాంగుడు ప్రభుత్వ డిగ్రీ కళాశాల లైబ్రరీలో రికార్డ్ అసిస్టెంట్‌గా విధులు నిర్వహిస్తున్నారు.

మంగళవారం గ్రంథాలయంలో డ్యూటీలో ఉండగా మధ్యాహ్నం ఓ వ్యక్తి విద్యార్థిలా లైబ్రరీలోకి వెళ్లాడు. సంతకం పెట్టాలని కోరిన ఉపేందర్‌పై దాడి చేసి, కింద పడేసి మెడలో ఉన్న రెండు తులాల బంగారు గొలుసును లాక్కొని వెళ్లిపోయాడు.

దాడి చేస్తున్న సమయంలో ఉపేందర్ కేక లు వేసినప్పటికీ లైబ్రరీ మొదటి అం తస్తులో ఉండటంతో ఎవరికీ వినిపించలేదు. దుండగుడు కాలేజీ బయట ఉన్న మరో యువకుడి బైక్‌పై ఎక్కి తప్పించుకున్నాడు. జనగామ పోలీసులకు ఫిర్యాదు చేయగా సీసీ ఫుటే జీ ఆధారంగా నిందితుడిని గుర్తించి అతడి కోసం గాలిస్తున్నారు.