హవేలిఘనపూర్: మెదక్ జిల్లా హవేలిఘనపూర్ మండలం దూపిసింగ్ తండాలో రైతు రవిపై ఎలుగుబంటి దాడి చేసింది. ఈ దాడిలో రైతు తీవ్రంగా గాయపడ్డాడు. సోమవారం ఉదయం  వరి పోలానికి నీళ్లు పెట్టడానికి  వెళ్ళిన రవిపై ఒక్కసారి ఎలుగుబంటి తీవ్రంగా దాడి చేసిందనీ కుటుంబ సభ్యులు తెలిపారు. దాడిలో ఎడమ దవడ, చెవి, కాళ్ళకు తీవ్ర గాయాలు చేసిందని తెపిపారు. పక్క పొలలో ఉన్న రైతులు ఎలుగు బంటిని చెదరగొట్టగా ఏలుగు బంటి అడవిలోకి వెళ్ళిందని చెప్పారు. తీవ్ర గాయాలతో రైతు రవిని మెదక్ ప్రభుత్వ ఆసుపత్రికి తరలించగా అక్కడి నుండి మెరుగైన వైద్యం కోసం మెదక్ లో ఓ ప్రవేట్ ఆసుపత్రికి తరలించి చికిత్స అందిస్తున్నారు. ప్రస్తుతం అతని పరిస్థితి నిలకడగా ఉందని వైద్యులు తెలిపారు. అటవీశాఖ అధికారులకు సంఘటన స్థలానికి వెళ్లి పరిశీలించి తీవ్రంగా గాయపడ్డ రవికి 10,000 రూపాయల చికిత్స కోసం అందజేసినట్లు ఫారెస్ట్ రేంజ్ ఆఫీసర్ మనోజ్ తెలిపారు. అతను చికిత్స పొందుతున్నాడు. శాఖ పరంగా పరిహారం చెల్లిస్తామన్నారు.