బెటాలియన్ కానిస్టేబుల్ ఆత్మహత్యాయత్నం

ఇబ్రహీంపట్నం, అక్టోబర్ 29: అధికారులు సెలవు ఇవ్వడంలేదని ఓ కానిస్టేబుల్ ఆత్మహత్యాయత్నానికి పాల్పడిన ఘటన ఇబ్రహీంపట్నం మండల పరిధిలో చోటు చేసుకుంది. మిర్యాలగూడకు చెందిన నాగేశ్వర్‌రావు.. ఇబ్రహీంపట్నం మండల పరిధిలోని అక్టోపస్ క్యాంపస్‌లో 3వ నంబర్ బెటాలియన్‌లో కానిస్టేబుల్‌గా విధులు నిర్వహిస్తున్నాడు. అయి తే ఇటీవల తన అవసర నిమిత్తం అధికారులను సెలవు అడిగితే ఇవ్వడం లేదని మనస్థాపానికి గురై మంగళవారం పెట్రోల్ పోసుకుని ఆత్మహ త్యాయత్నానికి పాల్పడ్డాడు. గమనించిన తోటి కానిస్టేబుల్స్ పెట్రోల్ బాటిల్‌ను లాక్కొని అధికారుల దగ్గరికి తీసుకువెళ్లి జరిగిన విష యం వివరించారు. అయితే అతడిని మందలించిన ఉన్నతాధికారులు.. మరోసారి ఇలా చేయవద్దని చెప్పి సెలవు ఇచ్చినట్లు సమాచారం.