కింగ్స్‌టౌన్: టీ20 ప్రపంచకప్‌లో భాగంగా సోమవారం బంగ్లాదేశ్ కీలకపోరుకు సిద్ధమైంది. సోమవారం కింగ్స్ టౌన్ వేదికగా నేపాల్‌తో బంగ్లా జట్టు అమీతుమీకి సిద్ధమైంది. ప్రస్తుతం 4 పాయిం ట్లతో రెండో స్థానంలో ఉన్న బంగ్లాదేశ్.. నేపాల్‌పై గెలిస్తే నేరుగా గ్రూప్ నుంచి రెండో జట్టుగా సూపర్ అడుగుపెట్టనుంది. ఇప్పటికే ఈ గ్రూప్ నుంచి సౌతాఫ్రికా తదుపరి రౌండ్‌కు అర్హత సాధించిన సంగతి తెలిసిందే. బంగ్లాదేశ్ బ్యాటింగ్‌లో సీని యర్లు షకీబ్ అల్ హసన్, మహ్మదుల్లాలు మరోసారి కీలకం కానున్నారు.

నెదర్లాండ్స్‌తో గత మ్యాచ్‌లో ఈ ఇద్దరు రాణించడంతో బంగ్లా విజయాన్ని నమోదు చేసుకుంది. ఈ ఇద్దరు రాణిస్తే జట్టుకు తిరుగుండదు. కెప్టెన్ నజ్ముల్, లిటన్ దాస్, తౌహిద్ హృదోయ్‌లు కూడా కీలకం కానున్నారు. మరోవైపు గత మ్యాచ్‌లో దక్షిణాఫ్రికాను ఓడించినంత పని చేసిన నేపాల్ బంగ్లాతో మ్యాచ్‌కు ఆత్మవిశ్వాసంతో సిద్ధమైంది. ఈ మ్యాచ్‌లో గెలిచి టోర్నీని విజయంతో ముగించాలని నేపాల్ భావిస్తోంది. 

నెదర్లాండ్స్ x శ్రీలంక

మరో పోరులో నెదర్లాండ్స్, శ్రీలంకలు తలపడ నున్నాయి. ఇప్పటికే టోర్నీ నుంచి నిష్క్రమించిన శ్రీలంకకు ఈ మ్యాచ్ నామమాత్రం కాగా.. నెదర్లాండ్స్‌కు మాత్రం కీలకం కానుంది. నేపాల్‌పై బంగ్లా గెలిస్తే నెదర్లాండ్స్ ఇంటిబాట పట్టనుంది. అదే నేపాల్ గెలిచి.. శ్రీలంకపై నెదర్లాండ్స్ గెలిస్తే అప్పుడు నెట్ రన్‌రేట్ కీలకం కానుంది. శ్రీలంకపై భారీ విజయం సాధిస్తే నెదర్లాండ్స్ సూపర్ వెళ్లే చాన్స్ ఉంది. మరోపోరులో న్యూజిలాండ్, పపువా న్యూ గినియా  తలపడనున్నాయి.