హైదరాబాద్: టాలీవుడ్ ప్రముఖ నిర్మాత, కాంగ్రెస్ నేత బండ్ల గణేష్ శనివారం ఆసక్తికర ట్వీట్ చేశారు. తెలంగాణ ముఖ్యమంత్రి రేవంత్ రెడ్డికి పుట్టిన రోజు సందర్భంగా శుభాకాంక్షలు చెప్పిన ప్రముఖులకు ధన్యవాదాలు చెప్పారు... పుట్టిన రోజు విషెస్ చెప్పే సమయం లేని వారికి బండ్ల గణేష్ పెద్ద నమస్కారం చేశారు. సినిమా టికెట్లు రేట్లు పెంచుకోవడానికి మాత్రమే సీఎం గారు కావలెను అంటూ బండ్లగణేష్ ఎక్స్ లో పోస్టు పెట్టారు. ఆయన చేసిన ట్వీట్ ప్రస్తుతం సోషల్ మీడియాలో వైరల్ అవుతోంది. సీఎం రేవంత్ రెడ్డి పుట్టిన రోజును పురస్కరించుకుని టాలీవుడ్ మెగాస్టార్ చిరంజీవి, సినీ నటుడు ఆంధ్రప్రదేశ్ ఉపముఖ్యమంత్రి పవన్ కళ్యాణ్, ఖుష్బూ జన్మదిన శుభాకాంక్షలు తెలిపారు. బండ్ల గణేష్ చేసిన ట్వీట్ పై ఓ నెటిజన్ స్పందిస్తూ.. రాహుల్ గాంధీ, ప్రియాంక గాంధీ, మల్లికార్జున్ ఖర్గే, కేసి వేణుగోపాల్, పవన్ ఖేరా వీళ్ళు ఎందుకు విషెస్ చెప్పలేదు? అంటూ కామెంట్ చేశాడు.

''గౌరవ ముఖ్యమంత్రివర్యులు రేవంత్ రెడ్డిగారికి జన్మదిన శుభాకాంక్షలు తెలియచేసిన సినీ ప్రముఖులందరికీ ధన్యవాదాలు. తెలియజేయడానికి సమయం లేని వారికి పెద్ద నమస్కారం. “టికెట్ రేట్లు పెంచుకోవడానికి మాత్రమే సీఎం గారు కావలెను”.🙏 అంటూ ట్వీట్ చేశారు.