అల్లరి నరేశ్ హీరోగా నటిస్త్తున్న తాజా యాక్షన్ ఎంటర్‌టైనర్ బచ్చల మల్లి’. సుబ్బు మంగదేవి ఈ చిత్రానికి దర్శకత్వంలో హాస్య మూవీస్ బ్యానర్‌పై రాజేశ్ దండా, బాలాజీ గుత్తా నిర్మిస్తుననారు. కథానాయికగా అమృత అయ్యర్ నటిస్తున్న ఈ సినిమా టీజర్ గురువారం విడుదలైంది. టీజర్.. ప్రధానంగా అల్లరి నరేశ్ పాత్రపై ఫోకస్ చేస్తోంది. ఆయన క్యారెక్టర్‌ను కేర్ ఫ్రీ, మూర్ఖత్వంతో కూడిన వ్యక్తిగా హైలెట్ చేస్తోంది. అమృత అయ్యర్ క్యారెక్టర్ రిజెక్ట్ చేసినప్పటికీ ధైర్యంగా ఆమెతో ఫ్లర్ట్ చేస్తాడు.

టీజర్ అతని రెబల్, నిర్లక్ష్య వైఖరి చూపిస్తోంది. అతను ఇతరుల అభిప్రాయాలను పట్టించుకోకుండా సొంత నిబంధనలపై జీవితాన్ని గడపాలని నిశ్చయించుకునే వ్యక్తిత్వాన్ని తెలియజేస్తోంది. నరేశ్ పాత్ర పిల్లల నుంచి విరాళాల పెట్టెను తీసుకున్నప్పుడు, అతని రియల్ నేచర్‌ను ప్రజెంట్ చేసే మూమెంట్‌తో టీజర్ ఎండ్ అయ్యింది. ఇందులో నరేశ్ మాస్ లుక్, అతని పెర్ఫార్మెన్స్ కంప్లీట్ చేస్తూ ఈ మాస్ క్యారెక్టర్‌కు డెప్త్ తీసుకొచ్చింది. అతని ప్రయాణంలో అమృత అయ్యర్ కీలక పాత్ర పోషిస్తుండగా, రోహిణి, రావు రమేశ్, అచ్యుత్‌కుమార్, బలగం జయరామ్, హరితేజ, ప్రవీణ్, వైవా హర్ష కూడా ఉన్నారు.

రిచర్డ్ ఎం నాథన్ సినిమాటోగ్రఫీ, విశాల్ చంద్రశేఖర్ స్కోర్ టీజర్‌ను ఎలివేట్ చేశాయి. హాస్య మూవీస్ ప్రొడక్షన్ వాల్యూస్ ఉన్నతంగా ఉన్నాయి. క్రిస్మస్ సందర్భంగా డిసెంబర్ 20న విడుదల కానున్న ఈ చిత్రానికి  ఎడిటింగ్: ఛోటా కే ప్రసాద్; ప్రొడక్షన్ డిజైన్-: బ్రహ్మ కడలి; స్క్రీన్ ప్లే: విప్పర్తి మధు; అడిషినల్ స్క్రీన్ ప్లే: విశ్వనేత్ర; కథ, మాటలు, దర్శకత్వం: సుబ్బు మంగదేవి.