అల్లరి నరేశ్ యూనిక్ మాస్, యాక్షన్ ఎంటర్‌టైనర్ చిత్రం ‘బచ్చల మల్లి’. ‘సోలో బ్రతుకే సో బెటర్’ ఫేమ్ సుబ్బు మంగదేవి దర్శకత్వంలో హాస్య మూవీస్ బ్యానర్‌పై రాజేశ్ దండా, బాలాజీ గుత్తా నిర్మించిన ఈ చిత్రం విడుదల తేదీ ఖరారైంది. డిసెంబర్ 20న ప్రపంచవ్యాప్తంగా థియేటర్ల ద్వారా విడుదల చేయనున్నట్టు మేకర్స్ మంగళవారం అధికారికంగా ప్రకటించారు.

రిలీజ్ డేట్ పోస్టర్ నరేశ్ రగ్గడ్ న్యూ లుక్‌లో.. చెదిరిన జుట్టు, గుబురు గడ్డంతో, సిగరెట్ తాగుతూ ఇంటెన్స్ అవతార్‌లో కనిపించారు. అమృత అయ్యర్ కథానాయికగా నటిస్తున్న ఈ చిత్రంలో రోహిణి, రావు రమేశ్, అచ్యుత్‌కుమార్, బలగం జయరామ్, హరితేజ, ప్రవీణ్, వైవా హర్ష ముఖ్య పాత్రల్లో కనిపించనున్నారు.

ఈ చిత్రానికి సంగీతం-: విశాల్ చంద్రశేఖర్; డీవోపీ- రిచర్డ్ ఎం నాథన్; ఎడిటింగ్-: ఛోటా కే ప్రసాద్; స్క్రీన్ ప్లే: విప్పర్తి మధు; అడిషనల్ స్క్రీన్ ప్లే: విశ్వనేత్ర; కథ, మాటలు, దర్శకత్వం: సుబ్బు మంగదేవి.