శబరిమలకు వెళ్లే అయ్యప్ప భక్తులకు సౌకర్యాలు కల్పించేందుకు తన వంతు కృషి : ఎమ్మెల్యే బండారి లక్ష్మారెడ్డి

కాప్రా (విజయక్రాంతి): కాప్రా సర్కిల్ పరిధిలోని కుషాయిగూడ అన్నపూర్ణ ఎస్టేట్ వద్ద ఏబీకే ఆధ్వర్యంలో ఏర్పాటు చేసిన అయ్యప్ప స్వామి మహాపడి పూజ మహోత్సవానికి ముఖ్య అతిథిగా ఉప్పల్ ఎమ్మెల్యే బండారి లక్ష్మారెడ్డి హాజరై అయ్యప్ప స్వామి విగ్రహానికి పంచామ్రుతాలతో అభిషేకం చేశారు. ఈ సందర్భంగా ఆయన మాట్లాడుతూ.. శబరిమలకు వెళ్లే భక్తులకు సౌకర్యాలు కల్పించేందుకు తన వంతు కృషి చేయాలని ఉన్నట్లు ఆయన పేర్కొన్నారు. అనంతరం మహాపడి పూజ మహోత్సవం అంగరంగ వైభవంగా నిర్వహించారు. స్వామియే శరణం అయ్యప్ప, శరణం శరణం అయ్యప్ప, స్వామి శరణం అయ్యప్ప అంటూ అయ్యప్ప స్వామి నామస్మరణతో పరిసరాలు మార్మోగాయి. ఈ మహపడిపూజ మహోత్సవానికి పెద్దఎత్తున అయ్యప్ప స్వాములు, భక్తులు పాల్గొని అయ్యప్ప నామస్మరణం, భజన పాటలు, భక్తి గీతాలను ఆలపించారు. ఈ కార్యక్రమంలో మల్లాపూర్, హెచ్.పీ కాలనీ డివిజన్ల కార్పోరేటర్లు పన్నాల దేవేందర్ రెడ్డి, జెర్రీ పోతుల ప్రభుదాస్, మాజీ కార్పొరేటర్ కొత్త రామారావు, పారిశ్రామికవేత్తలు, సీనియర్ నాయకులు, అయ్యప్ప స్వాములు, భక్తులు, తదితరులు పాల్గొన్నారు.