ముఖ్యఅతిథిగా పాల్గొన్న గచ్చిబౌలి డివిజన్ కార్పొరేటర్ గంగాధర్ రెడ్డి

శేరిలింగంపల్లి (విజయక్రాంతి): శేరిలింగంపల్లి నియోజకవర్గం గచ్చిబౌలి డివిజన్ పరిధిలోని గోపనపల్లీ తాండాలో అయ్యప్ప స్వామి పూజలు అంగరంగ వైభవంగా జరిగాయి. ఈ కార్యక్రమానికి ముఖ్యఅతిథిగా గచ్చిబౌలి డివిజన్ కార్పొరేటర్ గంగాధర్ రెడ్డి పాల్గొని ప్రత్యేక పూజలు నిర్వహించారు. అనంతరం కార్పొరేటర్ గంగాధర్ రెడ్డి మాట్లాడుతూ.. హరిహరసుతుడు అయ్యప్పను కొలవడం ద్వారా ఆపదలు తొలగి అష్టైశ్వర్యాలు, సుఖ సంతోషాలు చేకూరుతాయి. శరణంటూ ఆశ్రయించిన వారిని కాపాడే దైవం అయ్యప్ప అని అన్నారు. పడిపూజ మహోత్సవంలో పాల్గొనడం ఎంతో సంతోషంగా ఉందని అన్నారు. ప్రజలపై అయ్యప్ప చల్లని చూపు తప్పక ఉంటుందని పేర్కొన్నారు. ఈ కార్యక్రమంలో గచ్చిబౌలి డివిజన్ ఉపాధ్యక్షులు శివసింగ్, సీనియర్ నాయకులు, నర్సింగ్ నాయక్, ప్రభాకర్, ప్రకాశ్, బాబ్లు నాయక్, అయ్యప్ప స్వాములు, భక్తులు, తదితరులు పెద్ద సంఖ్యలో పాల్గొన్నారు.