గద్వాల, జనవరి 3 ( విజయక్రాంతి ) : ఉదయం, సాయంత్రం వేళల్లో స్కూల్ విద్యార్థులను తీసుకెళ్లే ఆటో డ్రైవర్లు, ఆటోలను నడిపే సమయంలో విద్యార్థులపై శ్రద్ధ వహించి,తప్పకుండా ట్రాఫిక్ నిబంధనలు పాటించాలని గద్వాల్ సిఐ  టంగుటూరు శ్రీను  అన్నారు.

శుక్రవారం జిల్లా ఎస్పీ  టి.శ్రీనివాస రావు  ఆదేశాల మేరకు జిల్లా కేంద్రంలోని ట్రాఫిక్ ఇన్స్టిట్యూట్ నందు ఆటో డ్రైవర్లకు  ట్రాఫిక్ నిబంధనలపై మరియు రోడ్డు ప్రమాదాల నివారణకు ఆటో డ్రైవర్లకు ట్రాఫిక్ ఎస్సు బాలచంద్రుడు,టౌన్ ఎస్సు కళ్యాణ్ కుమార్ ఆధ్వర్యంలో ఏర్పాటు చేయగ సీఐ  ముఖ్యఅతిథిగా హాజరయ్యారు.

ఈ సందర్భంగా సీఐ  మాట్లాడుతూ....ఆటోలో ప్రయాణించే ప్రయాణికుల పట్ల మర్యాదగా ప్రవర్తిస్తూ, రోడ్డు భద్రతా నియమాలను పాటించాలని సూచించారు. మద్యం తాగి ఆటోలను నడపడం, నిర్లక్ష్యంగా రోడ్లపై ఇష్టానుసారంగా ఆటోలను నిలిపివేసి, ఇతర వాహనదారులకు ఇబ్బందులు కలిగిస్తే చట్టపరంగా చర్యలు తీసుకుంటామన్నారు.

అసాంఘిక కార్యకలాపాలకు పాల్పడే వారి గురించి తెలిస్తే వెంటనే పోలీసు వారికి సమాచారం అందించి తమ వంతు బాధ్యతను నిర్వర్తించాలని కోరారు. డ్రైవర్ సీటు వెనక భాగంలో డ్రైవర్ పేరు, ఫోన్ నెంబరును ప్రయాణికులకు కనిపించే విధంగా కచ్చితంగా ఏర్పాటు చేసుకోవాలని సూచించారు.

పట్టణం లో కొన్ని రోజులుగా జరుగుతున్నా దొంగతనాల విషయంలో కూడా డ్రైవర్ల అప్రమత్తంగా అనుమానం ఉన్న వ్యక్తులపై కూడా ఏదైనా సమాచారం తెలిస్తే పోలీసులకు సమాచారం ఇవ్వాలని ఇవ్వాలన్నారు. రోడ్డు ప్రమాదాల నివారణ కోసమే అవగాహన కార్యక్రమాలు నిర్వహిస్తున్నామని సీఐ అన్నారు. ఈ కార్యక్రమంలో ట్రాఫిక్ సిబ్బంది , ఆటో డ్రైవర్లు పాల్గొన్నారు.