మంచు లక్ష్మి, ఎస్తేర్, శివ కంఠమనేని ప్రధాన పాత్రల్లో నటిస్తున్న చిత్రం ‘ఆదిపర్వం’. 

మరో కీలక పాత్రను ఆదిత్య ఓం పోషిస్తున్నారు. అన్వికా ఆర్ట్స్, ఏఐ (అమెరికా ఇండియా) ఎంటర్‌టైన్‌మెంట్స్ పతాకాలపై పీరియాడిక్ ప్రేమకథగా దర్శకుడు సంజీవ్ మేగోటి తెరకెక్కిస్తున్నారు. సినిమా ఈ నెల 8న ప్రపంచవ్యాప్తంగా విడుదలకానున్న నేపథ్యంలో చిత్రబృందం ప్రీ రిలీజ్ ఈవెంట్‌ను హైదరాబాద్‌లో నిర్వహించింది.

ఈ కార్యక్రమంలో హీరో ఆదిత్య ఓం మాట్లాడుతూ.. “ప్రతి నటుడికి, ఫిలిం మేకర్‌కు ప్రేక్షకుల దగ్గర నుంచి వచ్చే స్పందనే ఆక్సిజన్ లాంటిది. ‘ఆదిపర్వం’ను థియేటర్లలో చూసి ఆ ప్రాణవాయువు మాకు అందిస్తారని ప్రేక్షకులను కోరుకుంటున్నా. కంటెంట్ బాగున్న సినిమాను జనం తప్పకుండా ఆదరిస్తారనే నమ్మకం ఉంది” అన్నారు.

చిత్ర దర్శకుడు సంజీవ్ మేగోటి మాట్లాడుతూ.. ‘మహాభారతంలో 18 పర్వాలు. మా సినిమా మొదలై 18 నెలలు అవుతోంది. ఈ నెల 8న తెలుగు, కన్నడలో రిలీజ్ చేస్తున్నాం. వారం తర్వాత తమిళం, మలయాళంలో విడుదల చేస్తాం. ఈ చిత్రంలో గ్రాఫిక్స్, యాక్షన్ ఆకట్టుకుంటాయి” అన్నారు. “ఆదిపర్వం’ కంటెంట్‌లో ప్రేక్షకుల్ని ఆకర్షించే అంశాలున్నాయి” అని నిర్మాత ప్రసన్నకుమార్ తెలిపారు. ఈ కార్యక్రమంలో చిత్రబృందం అందరూ పాల్గొన్నారు.