అభిమానులకు సెల్ఫీ ఇచ్చిన కేసీఆర్

రాజన సిరిసిల్ల మే10(విజయక్రాంతి): రాజన్న సిరిసిల్ల జిల్లాకేంద్రం రోడ్‌షోలో పాల్గొనేందుకు కరీంనగర్ నుంచి సిరిసిల్లకు వస్తున్న కేసీఆర్ మార్గంమాధ్యలో బోయిన్‌పల్లి మండలం వెంకట్రావుపల్లి వద్ద హోటల్‌లో కాసేపు ఆగారు. భారాస అభ్యర్థి వినోద్‌కుమార్, ఎమ్మెల్యే గంగుల కమలాకర్, మాజీ ఎమ్మెల్యే సుంకే రవిశంకర్‌లతో కలిసి మిర్చి తిని చాయి తాగారు. అనంతరం స్థానికులు కొందరు కేసీఆర్‌తో ఫోటోలు దిగేందుకు ఎగబడగా వారికి సెల్ఫీ ఇచ్చి ముచ్చటించారు.  రోడ్డు పక్కన కొందరు  నిర్వాసితులు ప్లే కార్డులతో నిరసన తెలిపారు. కొదురుపాక చెక్‌పోస్ట్ వద్ద కేసీఆర్ కాన్వాయిని తనిఖీ చేయగా ఆయన సహకరించారు. పలు గ్రామాల వద్ద అభిమానులు, కార్యకర్తలు కేసీఆర్ బస్సుపై పూలు చల్లారు.