హైదరాబాద్,(విజయక్రాంతి): నాంపల్లిలోని బీజేపీ తెలంగాణ రాష్ట్ర కార్యాలయంలో మాజీ ప్రధాని భారతరత్న అటల్ బిహారీ వాజ్‌పేయి జీవితం, వారసత్వంపై ఏర్పాటు చేసిన ప్రదర్శనను రాజ్యసభ ఎంపీ సుధన్ షు త్రివేద్‌తో కలిసి కేంద్రమంత్రి కిషన్ రెడ్డి ప్రారంభించారు. డిసెంబర్ 25న అటల్ బిహారీ వాజ్‌పేయి శతాబ్ది జయంతిని పురస్కరించుకొని ఈ ఎగ్జిబిషన్ నిర్వహించబడుతోంది. భారతదేశ నిర్మాణానికి ఆయన చూపిన అంకితభావానికి నివాళుల్పించారు. తను ప్రతి ఒక్కరినీ, ముఖ్యంగా యువతను, అతని స్ఫూర్తిదాయకమైన జీవితాన్ని, శాశ్వతమైన ఆదర్శాలను సందర్శించి నేర్చుకోమని ప్రోత్సహిస్తున్నట్లు కిషన్ రెడ్డి పేర్కొన్నారు. ఈ కార్యక్రమంలో తెలంగాణ ప్రధాన కార్యదర్శి చంద్రశేఖర్ జీ, మెదక్ ఎంపీ రఘునందన్ రావు, ఇతర సీనియర్ నాయకులు పాల్గొన్నారు.