ఆదిత్య ఓం, అరుణ్ రాహుల్, అంజన శ్రీనివాస్ రోహిణి ఆర్ చలపతి రాజు తదితరులు నటిస్తున్న చిత్రం ‘చేతిలో చెయ్యేసి చెప్పు బావ’. కొమరపు ప్రొడక్షన్స్ పతాకంపై రూపొందిన ఈ సినిమా నవంబర్ 29న ప్రేక్షకుల ముందుకు రానుంది. ఈ నేపథ్యంలో చిత్ర యూనిట్ హైదరాబాద్‌లో ప్రీ రిలీజ్ ఈవెంట్‌ను నిర్వహించారు. ఈ కార్యక్రమంలో తెలంగాణ సినిమాటోగ్రఫీ మంత్రి కోమటిరెడ్డి వెంకటరెడ్డి, సహ నిర్మాత రేగట్టే లింగారెడ్డి, చిత్ర యూనిట్ పాల్గొన్నారు. ఈ సందర్భంగా చిత్ర నిర్మాత కే జోసఫ్ మాట్లాడుతూ.. ‘ఇది ఒక వెరైటీ లవ్ స్టోరీ.

అన్ని కమర్షియల్ హంగులతో ఈ చిత్రాన్ని తెరకెక్కించాం. మంచి సందేశం కూడా ఉంటుంది’ అన్నారు. సుమన్, కవిత, పోసాని కృష్ణమురళి, జయప్రకాశ్‌రెడ్డి, ఆనంద్, జయవాణి, సుమన్ శెట్టి, జబర్దస్త్ అప్పారావు తదితరులు నటించిన ఈ చిత్రానికి డీవోపీ: వేణు మురళీధర్; సంగీతం: పార్దు; కథ, నిర్మాణం: కే జోసఫ్; స్క్రీన్ ప్లే, కొరియోగ్రఫీ, డైరెక్షన్: కట్ల రాజేంద్రప్రసాద్.