జార్ఖండ్: జార్ఖండ్ లో బుధవారం అసెంబ్లీ ఎన్నికల పోలింగ్ కొనసాగుతుంది. సాయంత్రం 5 గంటల వరకు పోలింగ్ కొనసాగుతుందని ఎన్నికల అధికారులు తెలిపారు. జార్ఖండ్ లో ఉదయం 11 గంటల వరకు 31.37 శాతం పోలింగ్ నమోదు అయింది. అటు మహారాష్ట్రలోని 31 సమస్యాత్మక ప్రాంతాల్లో సాయంత్రం 4 వరకు పోలింగ్ కొనసాగనుంది. జార్ఖండ్ లో రెండో విడతలో 38 నియోజకవర్గాల్లో పోలింగ్ జరుగుతుంది. మొత్తం 38 అసెంబ్లీ స్థానాల బరిలో 528 మంది అభ్యర్థులు పోటీ చేస్తున్నారు. ఎన్నికల ఉండటంతో మావోయిస్టు ప్రభావిత ప్రాంతాల్లో భారీగా బలగాల మోహరించాయి. ఈనెల 23న జార్ఖండ్ అసెంబ్లీ ఎన్నికల ఫలితాలు వెలువడనున్నాయి.