హైదరాబాద్ : తెలంగాణ రాష్ట్రంలో అసదుద్దీన్ ఒవైసీ అంటే తెలియని వ్యక్తి అంటూ ఎవరుండారు. ఓటమి ఎరుగాని నేతగా పేరు తెచ్చున్న ఆయన ఈ పార్లమెంట్ ఎన్నికలో విజయం సాధించేందుకు చాలా కష్ట పడుతున్నారు. అసదుద్దీన్ ను ఓడించేందుకు బీజేపీ, హిందుత్వ భావాలు కలిగిన మధవీ లతను బీజేపీ అభ్యర్థిగా రంగంలోకి దించింది. ఆమె హిందూ, ముస్లిం అనే తేడా లేకుండా గడపగడపకు తిరుగుతూ.. తమకే ఓటు వేయాలని అభ్యర్థించారు.  ఎన్నడూ లేని విధంగా అసదుద్దీన్ ఒవైసీ కూడా హిందూ, ముస్లింలను కలిసి తమకే ఓటు వేయాలని వేడుకున్నారు. నిన్నటితో ఎన్నికల ప్రచారం ముగియడంతో అసదుద్దీన్ ఒవైసీ ఓ గల్లీలో పిల్లలు క్రికెట్ ఆడుతుంటే.. వారి వద్దకు వెళ్లి పిల్లలతో కలిసి సరదాగా క్రికెట్ ఆడారు. అది చూసిన ఓ నెటిజన్  అసదుద్దీన్ క్రికెట్ ఆడుతున్న వీడియో తీసి ట్విటర్ లో షేర్ చేశాడు. ఇప్పుడు ఆ వీడియో సోషల్ మీడియాలో తేగా వైరల్ అవుతోంది. అది చూసిన కొందరు మరికొద్ది గంటల్లో పోలింగ్ పెట్టుకొని అసదుద్దీన్ కూల్ గా క్రికెట్ ఆడుతున్నాడేంటని పరేషాన్ అవుతున్నారు.