షార్జా: తెలంగాణ గ్రాండ్‌మాస్టర్ అర్జున్ ఇరిగైసి షార్జా మాస్టర్స్ చెస్ టోర్నీలో టాప్ సీడ్‌గా బరిలోకి దిగనున్నాడు. ఇదే టోర్నీలో అర్జున్ సహా మొత్తం 19 మంది భారత గ్రాండ్‌మాస్టర్లు పాల్గొననుండడం విశేషం. అర్జున్‌తో పాటు మరో తెలుగు గ్రాండ్‌మాస్టర్ ద్రోణవల్లి హారిక కూడా షార్జా టోర్నీ బరిలో ఉంది. నారాయణన్, నిహాల్ సరీన్, పణవ్‌లు ఫేవరెట్స్‌గా కనిపిస్తున్నారు. అభిజిత్ గుప్తా, చిదంబరం తదితరులు టోర్నీలో పాల్గొననున్నారు.

ఇక అర్జున్ సూపర్ ర్యాపిడ్ అండ్ బ్లిట్జ్ చెస్ టోర్నీలో ఓవరాల్‌గా ఐదో స్థానంలో నిలిచాడు. వార్సా నుంచే నేరుగా దుబాయ్‌కు చేరుకోనున్న అర్జున్.. షార్జా మాస్టర్స్ టోర్నీలో పాల్గొననున్నాడు. మొత్తం తొమ్మది రౌండ్ల పాటు జరగనున్న ఈ టోర్నీ విజేతకు 52 వేల యూఎస్ డాలర్లు ప్రైజ్‌మనీగా లభించనుంది.