అట్లాంటా: కోపా అమెరికా కప్‌లో అర్జెంటీనా జట్టు బోణీ కొట్టింది. గ్రూప్ భాగంగా జరిగిన పోరులో అర్జెంటీనా 2 కెనడాను చిత్తుచేసింది. అర్జెంటీనా తరుఫున జూలియన్ అల్వరెజ్ (49వ నిమిషంలో), మార్టినేజ్ (88వ నిమిషంలో) చెరో గోల్ చేశారు. ఈ రెండు గోల్స్‌లోనూ అర్జెంటీనా సారథి, స్టార్ స్ట్రయికర్ లియోనెల్ మెస్సీ కీలక పాత్ర పోషించాడు. మ్యాచ్ ఆరంభం నుంచే పూర్తి ఆధిపత్యం కనబర్చిన అర్జెంటీనా ప్రత్యర్థికి ఏ మాత్రం అవకాశం ఇవ్వకుండా విజృంభించింది. 65 శాతం బంతిని తమ ఆధీనంలో ఉంచుకున్న అర్జెంటీనా.. ప్రత్యర్థి పోస్ట్‌పై పదే పదే దాడులు చేసింది. ఓవరాల్‌గా అర్జెంటీనా 19 షాట్లు కొట్టగా.. కెనడా పదింటికే పరిమితమైంది. మరోవైపు యూరో కప్‌లో స్పెయిన్, ఉక్రెయిన్ విజయాలు సాధించాయి. స్పెయిన్ 1 ఇటలీని మట్టికరిపించగా.. ఉక్రెయిన్ 2 స్లొవకియాను చిత్తుచేసింది.