బెల్లంపల్లి (విజయక్రాంతి): ఎమ్మార్పీఎస్ బెల్లంపల్లి మండల ఇన్చార్జిగా జీలకర్ర శంకర్ మాదిగ నియామకమయ్యారు. ఈ సందర్భంగా ఆయన ఆదివారం బెల్లంపల్లి పట్టణంలోని మాదిగ సీనియర్, యువజన నాయకులతో సమావేశం ఏర్పాటు చేశారు. పట్టణంలో నూతన కమిటీల ఏర్పాటు కోసం మాదిగలంతా కృషి చేయాలని కోరారు. ఈ నెల 27న బెల్లంపల్లి పట్టణ కమిటీ ఏర్పాటు చేయడానికి నిర్ణయం తీసుకున్నారు. కావున 34 వార్డుల నుండి ప్రజలందరూ స్వచ్ఛందంగా వచ్చి ఎస్సీ వర్గీకరణ పోరాటంలో మందకృష్ణ మాదిగ చేస్తున్న ఉద్యమాన్ని బలోపేతం చేయాలని పిలుపునిచ్చారు. ఈ కార్యక్రమంలో మచ్చ రాజేష్, కాంపెల్లి సతీష్, భీమిని మండల ఇంచార్జ్ కాసిపేట కృష్ణ, బొల్లి వంశీ, రామగిరి మహేష్ కుమార్, కేశవ్  తదితరులు పాల్గొన్నారు.