హైదరాబాద్, నవంబర్ 22 విజయక్రాంతి): జర్మనీలోని ఆస్పత్రుల్లో  ఉద్యోగావకాశాలను కల్పించే ందుకు నర్సులకు జర్మన్ భాష శిక్షణ ఇచ్చేందుకు దరఖాస్తులను ఆహ్వానిస్తున్నట్లు తెలంగాణ ఓవర్సీస్ మ్యాన్ పవర్ కంపెనీ లిమిటెడ్(టామ్‌కామ్) పేర్కొంది. టామ్ కామ్ అనేది తెలంగాణ ప్రభుత్వ కార్మిక, ఉపాధి, శిక్షణ శాఖ ఆధ్వర్యంలో నడిచే రిజిస్టర్డ్ రిక్రూట్‌మెంట్ ఏజెన్సీ. 

22  ఏళ్ల నుంచి 38 ఏళ్ల వయస్సున్న వారు, బీఎస్‌సీ నర్సింగ్ లేదా జీఎన్‌ఎం ఉత్తీర్ణతతో పాటు ఏడాది క్లినికల్ అనుభవం ఉన్నవారు దరఖాస్తు చేసుకోవడానికి అర్హులని టామ్‌కామ్ చెప్పింది. ఎంపికైన అభ్యర్థులకు నెలకు జర్మనీలో రూ.2.5లక్షల నుంచి రూ.3లక్షల వరకు ప్యాకేజీ లభిస్తుందని వెల్లడించింది. ఆసక్తి ఉన్నవారు 632292450, 791290580, 632322257 నంబర్లలో సంప్రదించి ఇంటర్వ్యూ కోసం పేరును రిజిస్టర్ చేసుకోవాలని టామ్‌కామ్ వివరించింది.