అమరావతి,(విజయక్రాంతి): ఆంధ్రప్రదేశ్ ముఖ్యమంత్రి చంద్రబాబు నాయుడు నేతృత్వంలో ఏపీ అభివృద్ధి పథంలో దూసుకుపోతుందని న్యూజిలాండ్ ప్రధాని లక్సన్ తెలిపారు. తెలుగు అసోసియేషన్, ఎన్నారై టీడీపీ ఆహ్వానంతో పర్చూరు, బాపట్ల టీడీపీ ఎమ్మెల్యేలు న్యూజిలాండ్ లో గురువారం పర్యటిస్తున్నారు. అనంతరం ఏలూరి సాంబశివరావు, నరేంద్ర వర్మ న్యూజిలాండ్ ప్రధాని లక్సన్ ను మర్యాదపూర్వకంగా కలిశారు.

ఏపీలో చేస్తున్న అభివృద్ధి పనులను న్యూజిలాండ్ ప్రధానికి వివరించి, తమ రాష్ట్ర అభివృద్ధికి సహకరించాలని కోరారు. న్యూజిలాండ్ నుంచి ఏపీకి వచ్చే పెట్టుబడిదారులకు ప్రత్యేక రాయితీలు ఇస్తామని ఎమ్మెల్యేలు తెలిపారు. దీంతో ఏపీకి రావాలని న్యూజిలాండ్ ప్రధాని లక్సన్ ను ఎమ్మెల్యేలు ఆహ్వానించారు.  వారి ఆహ్వానానికి సానుకులంగా స్పందించిన న్యూజిలాండ్ ప్రధాని మార్చిలో ఏపీకి వస్తానాన్ని హామీ ఇచ్చారని టీడీపీ నేతలు తెలిపారు.